Մեր մոտեցման հիմքում դրված է ոչ միայն տեսանելի էսթետիկ արդյունքի ապահովումը, այլև մաշկի խնդիրների խորքային պատճառների բացահայտումն ու համալիր բուժումը։ Յուրաքանչյուր բուժառու նախ անցնում է մասնագիտական խորհրդատվություն բժիշկ-մաշկաբանի կամ  կոսմետոլոգի հետ, որի արդյունքում կազմվում է անհատական բուժման պլան՝ համապատասխան մաշկի տիպին, վիճակին և բուժառուի ակնկալիքներին։

Մենք կիրառում ենք ժամանակակից ներարկումային, ապարատային և վերականգնողական մեթոդներ՝ ապահովելով անվտանգ, կանխատեսելի և երկարաժամկետ արդյունքներ։

Ներարկումային կոսմետոլոգիա

• Մեզոթերապիա
• Բիոռեվիտալիզացիա
• PRP / պլազմոթերապիա
• Բոտուլինոթերապիա (Botox)
• Կոնտուրային պլաստիկա (ֆիլլերներ)
• Կոլլագենոթերապիա

Այս մեթոդները նպաստում են մաշկի խորը խոնավեցմանը, տոնուսի բարձրացմանը, կնճիռների հարթեցմանը և տարիքային փոփոխությունների կանխարգելմանը։

Ապարատային և էսթետիկ կոսմետոլոգիա

Կլինիկան հագեցած է վերջին սերնդի բարձր տեխնոլոգիական սարքավորումներով, որոնք ապահովում են մաշկի խորը վերականգնում և ձգում՝ առանց վիրահատական միջամտության։

Morpheus8 Burst (24 pin) — դեմք, պարանոց, դեկոլտե
Կիրառվում է մաշկի թուլության և կախվածության, կրկնակզակի, մակերեսային և խորը կնճիռների, հետակնե հետքերի և մաշկի անհարթությունների շտկման համար։

Deep Burst (40 pin) — մարմնի հատվածներ
Օգտագործվում է որովայնի, ազդրերի, նստատեղի, բազուկների, ծնկների և կրծքերի շրջանում՝ նպաստելով մաշկի ձգվածության և առաձգականության վերականգնմանը, ինչպես նաև ստրիաների նվազեցմանը։

Բացի այդ, կիրառվում են ռադիոհաճախական (RF) և լազերային առաջատար համակարգեր՝ Ignite Quantum RF, BodyTite, FaceTite, ինչպես նաև DEKA հարթակի սարքեր՝ Lilac, Viridis, Erise։