Dashtoyan Dental Clinic-ը համարվում է ժամանակակից ստոմատոլոգիայի առաջատար կենտրոններից մեկը։

Գործելով ավելի քան 28 տարի՝ մենք առաջարկում ենք միջազգային չափանիշներին համապատասխան բուժում, նորագույն տեխնոլոգիաներ և անհատական մոտեցում յուրաքանչյուր բուժառուին։

Մեր նպատակն է ապահովել առողջ ժպիտ և բարձրակարգ ֆունկցիոնալ վերականգնում։ Այստեղ բժշկական փորձը, տեխնոլոգիան և հոգատարությունը միավորվում են՝ ապահովելով կատարյալ արդյունք։

Մեր Առավելությունները

Dashtoyan Dental Clinic-ը հագեցած է եվրոպական բարձրակարգ տեխնոլոգիաներով և սարքավորումներով․ բուժումները իրականացվում են Planmeca, Kavo և Dürr Dental առաջատար համակարգերով։ Կլինիկայում գործում է նաև Planmeca G7 (CBCT)՝ 30×30 սենսորով 3D հետազոտության սարք, որը ապահովում է բարձր ճշգրտությամբ ախտորոշում՝ նվազագույն ճառագայթային ազդեցությամբ։ Այն դեպքերում, երբ ծնողները նախընտրում են խուսափել ռենտգեն հետազոտությունից, մենք կիրառում ենք Dürr Dental VistaCam iX HD Smart բարձր լուծաչափի ինտրաորալ տեսախցիկը։
Այն թույլ է տալիս ստանալ որակյալ թվային պատկերներ՝ առանց ճառագայթման, ապահովելով անվտանգ և ճշգրիտ դիտարկում հատկապես երեխաների համար։

Մեր առավելություններից մեկն այն է, որ այստեղ հնարավոր է բուժում անցկացնել ինչպես ընդհանուր անզգայացմամբ (նարկոզով), այնպես էլ սեդացիայի՝ առանց սթրեսի և անհարմարության։ Մենք ստեղծել ենք մի միջավայր, որտեղ երեխաները բուժման ընթացքում չեն վախենում, չեն զգում ցավ և իրենց զգում են պաշտպանված։ 

Մեր կլինիկան, ի տարբերություն շատ այլ ստոմատոլոգիական կենտրոնների, հագեցած է վերջին սերնդի ինֆեկցիոն վերահսկման էլեկտրոնային համակարգերով, որոնք ապահովում են լիարժեք պաշտպանություն ՄԻԱՎ/ՁԻԱՎ-ի (AIDS) և հեպատիտների փոխանցման ռիսկից։ Ստերիլիզացիոն գործընթացները իրականացվում են միջազգային չափանիշներին համապատասխան․ մեր ստերիլիզացիոն բաժինը համալրված է B դասի ավտոկլավներով (Class B)՝ առաջատար Tuttnauer, Dürr Dental և Melag արտադրողների կողմից, որոնք ապահովում են բժշկական գործիքների բազմաստիճան, խորը և անվտանգ ստերիլիզացում։

Մեր բժիշկներն ունեն բարձր որակավորում և երկարամյա փորձ․ կլինիկան հանդիսանում է ԵՊԲՀ-ի կլինիկական բազա, որտեղ պարբերաբար այցելում են բազմաթիվ բժիշկներ և անցնում հետբուհական ուսուցում։ Բացի դրանից, գործում է մեր սեփական Dashtoyan Training Center ուսումնական հարթակը, որի շրջանակներում բազմաթիվ մասնագետներ անցնում են վերապատրաստումներ և պրակտիկ դասընթացներ։ 

Մենք ոչ միայն սովորում ենք, այլև սովորեցնում ենք՝ կիսվելով տարիների փորձով։ 

Կլինիկայի կարևոր առավելություններից է նաև մեր գերժամանակակից թվային լաբորատորիան, որն ապահովում է անհատական և արագ պատրաստման գործընթաց՝ երաշխավորելով բարձր ճշգրտություն, կատարյալ որակ և անթերի արդյունք յուրաքանչյուր բուժառուի համար։